Kuz-qish mavsumida aholini issiqlik energiyasi bilan uzluksiz va sifatli taʼminlash, ularga koʻrsatilayotgan ushbu xizmatning sifatini oshirish maqsadida Oʻzbekiston Respublikasi Vazirlar Mahkamasining 15.07.2014-yildagi 194-son Qaroriga asosan:
isitish boʻyicha — belgilangan tartibga koʻra xonalarni isitish boʻyicha chora-tadbirlarni (derazalar, balkonlar va kirish eshiklarining dahlizlarini zichlashtirish, isitish tagsinchlarini izolyatsiyalash) bajarish sharti bilan isitish mavsumi davrida 1995-yilgacha qurilgan koʻp qavatli turar joy xonalaridagi harorati kamida 20 gradus C,
agar koʻp qavatli uylardagi issiqlik tizimi rekonstruksiya qilinmagan boʻlsa, turar joy xonalaridagi harorat kamida 18 gradus C boʻlishi lozim;
Bundan tashqari, issiq suv taʼminoti boʻyicha — issiq suv taʼminotining markazlashtirilgan tizimlarini nazorat qilishning sanitariya qoidalariga muvofiq suv olish joylarida issiq suvning harorati 50 — 75 gradus C boʻlishi kerak.
Bunda:
- suvning epidemiya xavfsizligi;
- suvning qulay organoleptik xossalari;
- suvning inson organizmiga zararli taʼsirining oldini olish boʻyicha issiq suv taʼminotining markazlashtirilgan tizimlarini nazorat qilishning sanitariya qoidalari talablarining bajarilishi taʼminlanishi kerak.
