Pensiyanerlar uchun chipta narxlarida 50% chegirma bor

Nogironligi bo‘lgan fuqarolarning erkin harakatlanish huquqini ta’minlash, ijtimoiy tenglikni mustahkamlash va geografik masofaga bog‘liq xarajat yukini kamaytirish maqsadida davlat tomonidan qator imtiyozlar joriy etilgan.

Xususan, O‘zbekiston Respublikasi Prezidentining 2022-yil 31-avgustdagi PF–213-sonli farmonining 11-bandiga muvofiq, 2022-yil 15-sentabrdan boshlab Qoraqalpog‘iston Respublikasi va Xorazm viloyatida yashovchi yoshga doir pensiya va nafaqa oluvchilar, nogironligi bo‘lgan shaxslar uchun temir yo‘l va aviayo‘lovchilar chiptalarini 50 foizlik chegirma asosida sotish belgilangan.

Mazkur imtiyoz ushbu shaxslarga yana bir moliyaviy yukni kamaytirish imkonini yaratadi, chunki Qoraqalpog‘iston va Xorazm viloyatlari O‘zbekiston poytaxtidan eng uzoqda joylashgan hududlar sirasiga kiradi.

Shuningdek, bu imtiyoz bilan bog‘liq xarajatlar temir yo‘l va avia kompaniyalarga davlat tomonidan — O‘zbekiston Respublikasi respublika budjeti mablag‘lari hisobidan qoplab beriladi. Bu esa transport tashkilotlarining moliyaviy barqarorligiga ta’sir qilmasdan, ijtimoiy adolatni ta’minlashga xizmat qiladi.