Amaldagi Yo‘l harakati qoidalarining 3-ilovasi 7.4-bandiga muvofiq, barcha transport vositasining old, yon oynalarining yorug‘lik o‘tkazuvchanligi 70 foizdan kam bo‘lsa, transport vositasidan foydalanish taqiqlanadi.

Ma’muriy javobgarlik to‘g‘risidagi kodeksning 126-moddasiga ko‘ra, texnik reglamentga muvofiq bo‘lmagan ko‘zgusimon va (yoki) tusi o‘zgartirilgan (qoraytirilgan) oynali transport vositalaridan, xuddi shuningdek haydovchining o‘rnidan tevarak-atrofni ko‘rishni cheklaydigan qo‘shimcha narsalar o‘rnatilgan yoki qoplamalar surtilgan transport vositalaridan foydalanish, bundan oynalar tusini o‘zgartirish (qoraytirish) uchun tegishli ruxsatnoma berilgan transport vositalari mustasno, —

• bazaviy hisoblash miqdorining yigirma besh baravari miqdorida jarima solishga sabab bo‘ladi.

Demak, siz ruxsatnoma olganingizdan keyin mashinangizning old va old yon oynasini 30 foizgacha qoraytirishingiz mumkin.