Mazkur munosabat O‘zbekiston Respublikasi ichki ishlar vazirining 2011 yil 23 noyabrdagi 174-sonli buyrug‘i bilan tartibga solinadi. Ushbu buyruqqa Ichki ishlar vazirining 2023 yil 10 avgustdagi 396-sonli buyrug‘i bilan kiritilgan o‘zgarishga ko‘ra nomer olganlik uchun quyidagi miqdorlarda to‘lov qilinadi.
| № | Nomer olish yoki almashtirish | To‘lov bazaviy hisoblash miqdorida (foizi/baravari) | To‘lov miqdori 19.04.2024 holatiga (so‘mda)* |
| 1 | Avtotransport vositalariga ro‘yxatdan o‘tkazish davlat raqami belgilari uchun (keyingi o‘rinlarda RO‘DRB deb yuritiladi) | 3,5 baravari | 1 190 000 |
| 2 | Mototransport vositalari, motorollerlar va tirkamalarga (yarim tirkamalar) RO‘DRB uchun | 1,75 baravari | 595 000 |
| 3 | Tranzit RO‘DRB uchun | 25 foizi | 85 000 |
| 4 | Yaroqsiz holga kelgan, buzilgan yoki shikastlangan bir juft RO‘DRB o‘rniga yangi RO‘DRB berish uchun | 3,5 baravari | 1 190 000 |
| 5 | Yaroqsiz holga kelgan, buzilgan yoki shikastlangan bir dona RO‘DRB o‘rniga yangi RO‘DRB berish uchun | 1,75 baravari | 595 000 |
Izoh:
* 2023-yil 1-dekabrdan boshlab esa O‘zbekiston Respublikasi Prezidentining 17.11.2023 yildagi PF-196-son Farmoniga ko‘ra bazaviy hisoblash miqdori 340 000 so‘m etib belgilangan.
- yo‘qotilgan bir dona yoki bir juft RO‘DRB o‘rniga yangi bir juft RO‘DRB berish uchun bazaviy hisoblash miqdorining 3,5 baravari miqdorida undiriladi;
- yo‘qotilgan bir dona RO‘DRB (mototransport vositalari, motorollerlar va tirkamalar (yarim tirkamalar) uchun) o‘rniga yangi bir dona RO‘DRB berish uchun bazaviy hisoblash miqdorining 1,75 baravari miqdorida undiriladi;
- RO‘DRBni o‘n ikki oy muddatdan so‘ng yana bir yil muddatga saqlaganlik uchun bazaviy hisoblash miqdorining 1 baravari miqdorida undiriladi;
- O‘zbekiston Respublikasi mehnat organlari tomonidan nogironligi bo‘lgan shaxslarga imtiyozli shartlarda berilgan transport vositasiga RO‘DRBlarini berish uchun to‘lov undirilmaydi.
