Davlat hisobidan yuridik yordam uchun haq toʻlanish miqdorlari

Vazirlar Mahkamasining 774-son qarori bilan Davlat hisobidan yuridik yordam koʻrsatadigan advokatlarni jalb etish va ularga haq toʻlash tartibi toʻgʻrisida nizom tasdiqlangan. Ushbu qarorning 5-ilovasida Davlat hisobidan yuridik yordam koʻrsatadigan advokat uchun toʻladigan haq miqdorlari berilgan. Unga koʻra, tergovga qadar va sud jarayonlari davomida koʻrsatilgan yuridik yordam:

T/r	Amalga oshirilgan harakat nomi	Amalga oshirilgan vaqti	Haq miqdori*
1.	Tergovga qadar tekshiruv, surishtiruv, tergov jarayonida, sudda koʻrilayotgan ishlarda va psixiatriya yordami koʻrsatilayotganda yuridik yordam koʻrsatilgan har bir kun uchun	Kun davomida	50 foiz
		Tungi vaqtlarda	75 foiz
		Dam olish va bayram (ishlanmaydigan) kunlari	100 foiz
2.	Gumon qilinuvchi, ayblanuvchi va sudlanuvchi tomonidan himoyachidan voz kechish bilan bogʻliq protsessual harakatlarda ishtirok etganligi uchun (har bir protsessual harakat uchun alohida hisoblanadi)	Kun davomida	30 foiz
		Tungi vaqtlarda	45 foiz
		Dam olish va bayram (ishlanmaydigan) kunlari	70 foiz
3.	Sudga ariza va shikoyatlar kiritganlik uchun	Amalga oshirilgan vaqtdan qatʼi nazar	20 foiz
4.	Xizmat safari va transport xarajatlari uchun (yuridik yordam koʻrsatilgan har bir kun uchun hisoblanadi)	Amalga oshirilgan vaqtdan qatʼi nazar	25 foiz

*Izoh: haq miqdori bazaviy hisoblash miqdoriga nisbatan belgilangan.

Oʻzbekiston ijtimoiy davlat sifatida adolatni toʻliq taʼminlanishi va aybsiz shaxslarni nohaq jazolarga tortilishini oldini olish maqsadida davlat hisobidan advokatlardan foydalanish imkoniyatini beradi.