Mahalla yettiligi kimlardan iborat?
Mahalla instituti Oʻzbekistonning maʼmuriy hududiy tuzilishining oʻziga xos shakli hisoblanadi. Chunki mahalla davlat organlari sirasiga kirmaydi va fuqarolarning oʻzini-oʻzi boshqarish organlari sirasiga kiradi.
Mahallalarda “Mahalla yettiligi” nomini olgan tarkib faoliyat yuritib, mahalla fuqarolari yigʻini raisi, hokim yordamchisi, yoshlar yetakchisi, xotin-qizlar faoli, profilaktika inspektori, ijtimoiy xodim, soliq inspektoridan iborat jamoadan tashkil topgan.
| № | Yettilik a’zosi | Vazifalari |
|---|---|---|
| 1 | Mahalla raisi | fuqarolar yigʻiniga rahbarlik qiladi, mahalla muammolarini hal qilishda bosh-qosh boʻladi. |
| 2 | Hokim yordamchisi | mahallaning iqtisodiy-ijtimoiy rivojlanishiga masʼul, ishsizlikni kamaytirish, tadbirkorlikni rivojlantirish bilan shugʻullanadi. |
| 3 | Yoshlar yetakchisi | yoshlar bilan ishlaydi, ularning bandligini taʼminlash, salohiyatini roʻyobga chiqarish boʻyicha tadbirlarni tashkil etadi. |
| 4 | Xotin-qizlar faoli | ayollar bilan ishlaydi, ularning huquqlarini himoya qilish, ijtimoiy faolligini oshirishga koʻmaklashadi. |
| 5 | Profilaktika inspektori | huquqbuzarliklarning oldini olish, jinoyatchilikka qarshi kurashish bilan shugʻullanadi. |
| 6 | Ijtimoiy xodim | nogironlar, keksalar va ehtiyojmand oilalar bilan ishlaydi, ularga yordam koʻrsatadi. |
| 7 | Soliq inspektori | fuqarolar va tadbirkorlarning soliqqa oid masalalarini tartibga soladi, qonuniylikni taʼminlaydi |
Xulosa qilib aytganda, “Mahalla yettiligi” fuqarolarning muammolarini joyida, tezkor hal etish imkonini beradi. Davlat va jamiyat oʻrtasidagi koʻprik vazifasini bajaradi.
Categories:
Ijtimoiy ta'minot