Amaldagi soliq qonunchiligi nogironligi bo‘lgan shaxslarga qator imtiyozlar mavjud. Ulardan biri mol-mulk va yer solig‘i bo‘yicha imtiyozdir.

Soliq kodeksining 421-moddasi I va II guruh nogironligi bo‘lgan shaxslarning mulkida bo‘lgan mol-mulk soliq solishdan ozod etiladi.

Mazkur imtiyoz pensiya guvohnomasi yoki tibbiy-mehnat ekspert komissiyasining ma’lumotnomasi asosida beriladi.

Soliq kodeksining 436-moddasiga muvofiq I va II guruh nogironligi bo‘lgan shaxslar yer solig‘i to‘lashdan ozod qilinadi. Ushbu imtiyoz pensiya guvohnomasi yoki tibbiy-ijtimoiy ekspert komissiyasining ma’lumotnomasi asosida beriladi.

Shuni aytish kerakki, bu imtiyoz yakka tartibdagi uy-joy qurilishi, dehqon xo‘jaligini yuritish uchun berilgan yer uchastkalariga bo‘lgan huquqlarni davlat ro‘yxatidan o‘tkazishni amalga oshiruvchi organda ro‘yxatdan o‘tkazgan jismoniy shaxslarga beriladi.

Demak, yakka tartibda qurilgan uy-joy joylashgan yer uchastkasi mulkdori nogironligi bo‘lgan shaxs bo‘lsa, yuqoridagi imtiyoz qo‘llaniladi.

E’tiborli jihati shuki, mazkur soliq imtiyozlari soliq to‘lovchining tanlovi bo‘yicha faqat bitta yer uchastkasiga berilishi mumkin.