O‘zbekiston Respublikasi Prezidentining 27.06.2024 yildagi PQ-239-son qaroriga muvofiq imtihon topshirish xarajati qoplanadigan xalqaro imtihon tizimlari bo‘yicha:
| Ingliz | Nemis | Fransuz | Koreys | Xitoy | Yapon |
tillaridan kamida C1 yoki unga tenglashtirilgan mos darajadagi sertifikat olgan yoshlarni imtihon topshirish xarajatlarini kompensatsiya qilishga qo‘shimcha ravishda Yoshlar ishlari agentligiga ajratilgan mablag‘lar doirasida o‘qish xarajatlarini qoplash uchun:
- bazaviy hisoblash miqdorining uch baravari miqdorida bir martalik moddiy rag‘batlantirish amalga oshiriladi.
Bundan tashqari, 2024-yil 1-sentyabrdan boshlab 2027-yil 1-yanvarga qadar yoshlarning
| Nemis | Fransuz | Koreys | Xitoy | Yapon |
tillari bo‘yicha xalqaro imtihon tizimlarida imtihon topshirish xarajatlari qoplab berilishi uchun ular tomonidan to‘planishi lozim bo‘lgan ballning (sertifikat darajasining) minimal ko‘rsatkichi bir pog‘ona pasaytiriladi hamda mazkur xarajatlar Yoshlar ishlari agentligiga ajratilgan mablag‘lar doirasida qoplanadi.
