Hududlardagi xotin-qizlarning ijtimoiy ahvolini o‘rganish, ularga har tomonlama ko‘mak berish maqsadida xotin-qizlar faoli lavozimi joriy etilgan.
O‘zbekiston Respublikasi Prezidentining 01.03.2022— yildagi PQ-146-son Qaroriga muvofiq, 2022-yil 1-maydan boshlab mahalladagi xotin-qizlar faolining oylik ish haqi miqdori u biriktirilgan mahalladagi xonadonlar soniga mutanosib ravishda quyidagicha belgilanadi:
- xonadonlar soni 500 tagacha bo‘lgan mahallada — mehnatga haq to‘lashning eng kam miqdorining 3,5 baravari miqdorida;
- xonadonlar soni 501 tadan 1 000 tagacha bo‘lgan mahallada — mehnatga haq to‘lashning eng kam miqdorining 4 baravari miqdorida;
- xonadonlar soni 1 000 tadan ortiq bo‘lgan mahallada — mehnatga haq to‘lashning eng kam miqdorining 4,5 baravari miqdorida.
Bundan tashqari, faoliyat samaradorligi ko‘rsatkichlaridan kelib chiqib, mahallalardagi xotin-qizlar faollarini qo‘llab-quvvatlash maqsadida mehnatga haq to‘lash jamg‘armasining 15 foizi miqdorida moddiy rag‘batlantirish jamg‘armasi shakllantiriladi.
