Quyosh panellarini o‘z hisobidan o‘rnatganlarning xarajatlarini bir qismi qoplanadi
So‘nggi vaqtlarda fuqarolarimiz orasida qayta tiklanuvchi energiya manbalariga bo‘lgan qiziqish ortib bormoqda. Ekologik jihatdan zararsiz energiya manbalaridan foydalanayotgan shaxslar ham davlatimiz tomonidan munosib qo‘llab-quvvatlab kelinmoqda hamda ularga qonunchiligimizda bir qancha imtiyozlar yaratilmoqda.
Jumladan, O‘zbekiston Respublikasi Prezidentining 09.09.2022 -yildagi PF-220-son Farmoniga muvofiq,qayta tiklanuvchi energiya manbalari qurilmalarining qiymatini to‘liq to‘lagan holda ularni xarid qilgan va o‘rnatgan iste’molchilarga xarid xarajatlarining bir qismi quyidagi miqdorlarda Tarmoqlararo energiyani tejash jamg‘armasi hisobidan kompensatsiya qilinadi:
Quyosh yoki shamol elektr stansiyasini o‘rnatganlik uchun kompensatsiyalar miqdori
| T/r | O‘rnatilgan quvvat | Kompensatsiya miqdori (bazaviy hisoblash miqdori) |
|---|---|---|
| 1 | 0,5 kVtdan 1 kVtgacha | 7 barobar (2 mln 380 ming so‘m); |
| 2 | 1 kVtdan 1,5 kVtgacha | 10 barobar (3 mln 400 ming so‘m); |
| 3 | 1,5 kVtdan 2 kVtgacha | 15 barobar (5 mln 100 ming so‘m); |
| 4 | 2 kVt va undan yuqori | 20 barobar (6 mln 800 ming so‘m); |
| 5 | 5 kVt va undan yuqori* | 50 barobar (17 mln so‘m) |
* faqatgina yangi yerlar o‘zlashtirilganda va tik quduqlarda o‘rnatilgan suv nasoslarining elektr energiyasi iste’moli qayta tiklanuvchi energiya manbalari qurilmalari orqali ta’minlanganda kompensatsiya beriladi.