Hozirgi kunda yurtimizda turar joylarga bo‘lgan ehtiyojning ortganligi bois respublikamizniing butun hududlarida milliy va xorijiy qurilish firmalari tomonidan keng ko‘lamli qurilish ishlari olib borilmoqda.

Ammo, qurilishi endigina tamomlangan bo‘lishiga qaramasdan ba’zi xonadonlarda katta-kichik nuqsonlar paydo bo‘ladi. Quruvchi tashkilotlarga shu holat bo‘yicha murojaat qilishsa, shartnomaga binoan uy muddatida topshirilgan va endi ularga hech qanday e’tiroz bildira olmasliklari aytishadi.

Aslida esa bu mutlaqo noto‘g‘ri fikr.

Iste’molchilar huquqlari himoya qilish to‘g‘risidagi Qonunning 13-moddasiga asosan ko‘chmas mulk iste’molchiga o‘tkazilgan kundan e’tiboran ikki yil mobaynida (agar shartnomada bundan uzoqroq muddat nazarda tutilmagan bo‘lsa)  uy-joyni sotgan shaxslar tomonidan uning  nuqsoni bepul bartaraf etilishi yoki xonadon egasi ushbu nuqsonlarni bartaraf etish uchun sarflagan xarajatlari sotuvchilar tomonidan qoplab berilishi shart.