O‘zbekiston Respublikasi Prezidentining 27.02.2024-yildagi PQ-88-son Qaroriga asosan, muhtoj shaxslarni ptez moslamalari va reabilitatsiya vositalari bilan ta’minlash tizimi yanada takomillashtirildi.
Ushbu Qarorga asosan 2024-yil 1-maydan boshlab protez moslamalari va reabilitatsiya vositalari xaridi uchun davlat tomonidan muhtoj shaxslarga qoplab beriladigan mablag‘lar miqdorini bozor konyunkturasidan kelib chiqib o‘rtacha uch baravargacha, ayrim vositalarning turlarini esa o‘n baravargacha oshirildi.
Bundan tashqari 2024-yil 1-maydan boshlab:
- nogironligi bo‘lgan shaxslarning protez moslamalari va reabilitatsiya vositalariga muhtojligi alohida tibbiy xulosa rasmiylashtirmasdan nogironlik to‘g‘risidagi ma’lumotnoma asosida belgilanadi;
- nogironlik guruhiga ega bo‘lmagan pensiya yoshidagi shaxslarning protez moslamalari va reabilitatsiya vositalariga muhtojligi to‘g‘risidagi tibbiy xulosa “Tibbiy-ijtimoiy ekspertiza” elektron axborot tizimida rasmiylashtiriladi.
Ushbu Qarroga muvofiq, ayrim turdagi protez moslamalari va ularning butlovchi, ehtiyot qismlari Respublikasi hududiga olib kirilishida qo‘shilgan qiymat solig‘idan ozod qilinadi. Ularning batafsil ro‘yxati bilan ushbu jadval orqali tanishib olishingiz mumkin:
O‘zbekiston Respublikasi hududiga olib kirilishida qo‘shilgan qiymat solig‘idan ozod qilinadigan protez moslamalari va ularning butlovchi, ehtiyot qismlari
RO‘YXATI
| T/r | Protez moslamalarining texnik vositalari nomi | Protez moslamalarining butlovchi va ehtiyot qismlari |
|---|---|---|
| 1. | Son protezi | Adapter (pastki va yuqori qismlar uchun) |
| Adapter ushlagich | ||
| Tizza tugun moduli | ||
| Panja | ||
| Vakuumli klapan | ||
| Tayanch moduli (quvur-alyuminiy/temir) | ||
| Layner (protez uchun g‘ilof) | ||
| Uchbandlik tayanch | ||
| Kosmetik tashqi qobiq | ||
| Boldir-tovon bo‘g‘imi, tayanch moduli | ||
| 2. | Boldir protezi | Tizzatutgich |
| Panja | ||
| Kosmetik tashqi qobiq | ||
| Vakuumli klapan | ||
| Protez uchun karbon | ||
| Boldir-tovon bo‘g‘imi, tayanch moduli | ||
| Layner (protez uchun g‘ilof) | ||
| 3. | Qo‘l protezlari | Kaftlar, bilak kaftlar bilan birga |
| O‘zak | ||
| Cho‘ltoq qabul qiluvchi gilza | ||
| Tayanch gilza | ||
| Tirsak ilmog‘i | ||
| Elka ilmog‘i | ||
| Kosmetik tashqi qobiq | ||
| Qo‘l protezi uchun maxsus biriktirmalar | ||
| 4. | Ko‘krak bezi protezi | – |
| 5. | Apparatlar | Plastik |
| Metall shina | ||
| Vertlyug |
