Mamlakatimizda kripto-aktivlar faoliyatini huquqiy tartibga solish, ularni huquqiy makondagi aniq maqomini belgilash hamda ushbu sohada sodir etilishi mumkin boʻlgan huquqbuzarliklarni oldini olish maqsadida milliy qonunchiligimiz takomillashitirilib borilmoqda.
Xususan 31.10.2022- yilda 3395-sonli (https://lex.uz/docs/-6266755) roʻyxat raqami bilan Oʻzbekiston Respublikasi Istiqbolli loyihalar milliy agentligi direktorining buyrugʻi qabul qilingan.
Ushbu hujjatda kripto-doʻkon tushunchasiga taʼrif berilib oʻtilgan boʻlib, kripto-doʻkon –kripto-aktivlarni sotib olish va sotish yuzasidan xizmatlar koʻrsatish boʻyicha elektron platforma (yoki) texnik va dasturiy vositalar majmuini taqdim etuvchi tashkilot (yuridik shaxs)dir.
Kripto-doʻkonda quyidagi operatsiyalar amalga oshiriladi:
a) kripto-doʻkonning elektron platformasi orqali:
- jismoniy shaxslar tomonidan bank oʻtkazmalarini amalga oshirish orqali kripto-aktivlarni milliy valyutada sotib olish va (yoki) sotish;
- chet ellik jismoniy shaxslar tomonidan bank oʻtkazmalarini amalga oshirish orqali kripto-aktivlarni xorijiy valyutada sotib olish va (yoki) sotish;
b) kripto-doʻkonning savdo obyekti orqali:
- jismoniy shaxslar tomonidan bank oʻtkazmalarini amalga oshirish orqali kripto-aktivlarni milliy valyutada sotib olish;
- mijozlar tomonidan kripto-aktivlarni naqd pul koʻrinishida milliy va (yoki) xorijiy valyutada sotib olish;
- mijozlar tomonidan kripto-aktivlarni faqat milliy valyutada sotish.
- Kripto-doʻkonda quyidagi operatsiyalarni amalga oshirish taqiqlanadi:
- majburiy identifikatsiyadan oʻtkazilmagan mijozlar bilan amalga oshiriladigan operatsiyalar;
- Oʻzbekiston Respublikasi rezidentlari tomonidan chiqarilgan kripto-aktivlar bilan operatsiyalar;
- anonim kripto-aktivlar hamda oʻzaro oʻzgarmas tokenlarni sotib olish va (yoki) sotish operatsiyalari.
