Bugungi kunda kichik tadbirkorlik subyektlariga bir qator imtiyoz va preferensiyalar qo‘llaniladi. Shu sababli ko‘plab tadbirkorlar aynan kichik tadbirkorlik subyekti maqomini saqlashga harakat qiladi.
Shu o‘rinda savol tug‘iladi qaysi toifadagi tadbirkorlar kichik tadbirkorlik subyekti toifasiga kiradi?
Tadbirkorlik faoliyati erkinligining kafolatlari to‘g‘risidagi qonun 5-moddasida kichik tadbirkorlik subyektlari belgilangan. Unga quyidagi quyidagi jadvalda ko‘rsatilganlar mazkur toifaga kiradi.
| № | Tadbirkorlik subyekti | Faoliyat turi | Xodimlar soni |
| 1. | Yakka tartibdagi tadbirkorlar | Qonunchilikda belgilangan faoliyat turlari | xodimlarining o‘rtacha yillik soni ko‘pi bilan 5 kishi |
| 2. | Mikrofirmalar | ishlab chiqarish tarmoqlari | xodimlarining o‘rtacha yillik soni ko‘pi bilan 20 kishi |
| xizmat ko‘rsatish sohasidagi va ishlab chiqarish bilan bog‘liq bo‘lmagan boshqa tarmoqlar | xodimlarining o‘rtacha yillik soni ko‘pi bilan 10 kishi | ||
| ulgurji, chakana savdo hamda umumiy ovqatlanish tarmoqlari | xodimlarining o‘rtacha yillik soni ko‘pi bilan 5 kishi | ||
| 3. | Kichik korxonalar | yengil, oziq-ovqat sanoatidagi va qurilish materiallari sanoati | xodimlarining o‘rtacha yillik soni ko‘pi bilan 200 kishi |
| metallga ishlov berish va asbobsozlik, yog‘ochsozlik, mebel sanoatidagi, shuningdek qonunchilikda nazarda tutilgan boshqa sanoat-ishlab chiqarish sohalari | xodimlarining o‘rtacha yillik soni ko‘pi bilan 100 kishi | ||
| mashinasozlik, metallurgiya, yoqilg‘i-energetika va kimyo sanoati, qishloq xo‘jaligi mahsulotlari yetishtirish va ularni qayta ishlash, qurilish hamda qonunchilikda nazarda tutilgan boshqa sanoat-ishlab chiqarish sohalari | xodimlarining o‘rtacha yillik soni ko‘pi bilan 50 kishi | ||
| fan, ilmiy xizmat ko‘rsatish, transport, aloqa, xizmat ko‘rsatish sohalari (sug‘urta kompaniyalaridan tashqari), savdo va umumiy ovqatlanish hamda ishlab chiqarish bilan bog‘liq bo‘lmagan boshqa sohalar | xodimlarining o‘rtacha yillik soni ko‘pi bilan 25 kishi |
