Amaldagi qonunchilikda maktabgacha ta’lim xizmatlarini ko‘rsatish bo‘yicha litsenziya talablari va shartlari belgilangan. Xususan, Maxsus elektron tizim orqali ayrim faoliyat turlarini litsenziyalash tartibi to‘g‘risidagi yagona nizom xususiy bog`cha uchun litsenziya talablarini quyidagicha belgilaydi.
| T/r | Litsenziya talablari va shartlari | Bajarilishi lozim bo‘lgan ko‘rsatkichlar |
| 1. | O‘quv va o‘quv-metodik adabiyotlar hamda axborot-resurs bazasi bilan ta’minlanganligi:* | kamida 2 ta kompyuter texnikasi hamda ekran o‘lchami kamida 40 dyuym bo‘lgan televizor bilan jihozlangan maktabgacha ta’limning dasturlarini amalga oshirish uchun o‘quv xonasi yoki axborot-resurs markazi; o‘quv va o‘quv-metodik adabiyotlarning tarbiyalanuvchilar umumiy soniga nisbati — 1/6. |
| 2. | Bitta guruhdagi tarbiyalanuvchilarning maksimal soni:* | 3 yoshgacha guruhda — 20 nafar; 3-5 yoshlilar guruhida — 25 nafar; qisqa muddatli guruhda — 30 nafar. |
| 3. | Bitta guruh uchun kiritiladigan tarbiyachi va tarbiyachi yordamchisi shtat birliklarining minimal miqdorlari:* | a) tarbiyachi: 9 soatli — 1,25 shtat birligi; 10,5 soatli — 1,46 shtat birligi; 12 soatli — 1,67 shtat birligi; 24 soatli — 2,2 shtat birligi; b) tarbiyachi-yordamchisi: 9 soatli — 1 shtat birligi; 10,5 soatli — 1,15 shtat birligi; 12 soatli — 1,25 shtat birligi; 24 soatli — 1,5 shtat birligi. |
| 4. | Maktabgacha ta’lim tashkiloti binosining sig‘imiga qo‘yiladigan minimal talablar:* | devor yoki panjara bilan o‘rab olingan hududiga va alohida kirish-chiqish joyiga ega bo‘lgan: a) alohida binolarda tashkil etilganda tarbiyalanuvchilar soni 385 nafardan oshmasligi; b) ko‘p qavatli turar joy binosining birinchi qavatida tashkil etilganda tarbiyalanuvchilar soni: shahar joylarda — 75 nafargacha; qishloq joylarda — 60 nafargacha; individual binolarda — 150 nafargacha bo‘lishi lozim. |
| 5. | Maktabgacha ta’lim tashkilotida ma’muriyat va har bir guruh uchun talab etiladigan xonalar va har bir tarbiyalanuvchi uchun ajratiladigan maydon o‘lchami:* | a) ma’muriyat uchun: rahbar xonasi — 1 ta xona; metodist xonasi — 1 ta xona; tibbiyot xonasi — 1 ta xona; b) mashg‘ulotlar va o‘yinlar uchun: poyabzalni almashtirish xonasi shkaflari bilan (har bir guruh uchun) — 5,0 m2; mashg‘ulotlar va o‘yin xonasi — 3,3 m2; yotoqxona — 3,3 m2; ovqatlanish joyi (har bir guruh uchun) — 18 m2; musiqa va jismoniy tarbiya mashg‘ulotlari o‘tkazish zali — 2 m2; kutubxona — 18 m2; v) xo‘jalik ishlari uchun: taom tayyorlash xonasi; taom tarqatish xonasi; idish-tovoq yuvish xonasi; kir yuvish va quritish xonasi; choyshablarni saqlash joyi (shkaf); tozalash vositalarini saqlash joyi (shkaf); oziq-ovqat mahsulotlari saqlash omborxonasi; ma’muriyat, tarbiyachilar va xodimlar, har bir tarbiyalanuvchilar guruhi uchun alohida hojatxona. |
| 6. | Maktabgacha ta’lim tashkiloti binosining ichki qismida har bir tarbiyalanuvchi uchun ajratiladigan maydon o‘lchami:* | umumiy tipdagi uchun — 3,3 m2; ko‘p qavatli turar joy binosining birinchi qavati uchun — 2,8 m2. |
| 7. | Ijtimoiy himoyaga muhtoj oilalar farzandlariga imtiyoz taqdim etilganligi:* | jami tarbiyalanuvchilar umumiy sonining 10 foizidan kam bo‘lmagan miqdorda ijtimoiy himoyaga muhtoj oilalarning farzandlari bepul qabul qilingan bo‘lishi lozim. |
Izoh:
bundan oilaviy nodavlat maktabgacha ta’lim tashkilotlarining xizmatlari mustasno
* Qo‘pol ravishda buzish deb hisoblanadigan talab va shartlar.
