O‘zbekiston Respublikasi Sog‘liqni saqlash vazirining 08.01.2015-yildagi buyrug’iga (ro‘yxat raqami 2648-son) asosan, eshitish qobiliyati nuqsoni bo‘lgan bemor bolalar uchun koxlear implantatsiya operatsiyasini o‘tkazish va koxlear implantatsiya operatsiyasidan keyingi reabilitatsiya tadbirlari bepul amalga oshiriladi.
Shu bilan birga, Koxlear implantatsiya operatsiyasi bemor bola 5 yoshga to‘lganga qadar o‘tkazilganda ijobiy natija berishini hisobga olib, budjet mablag‘lari hisobiga xarid qilingan implantatlardan samarali foydalanish uchun ular 5 yoshga to‘lmagan bolalarga bepul taqdim etiladi.
Bundan tashqari, budjet mablag‘lari hisobiga xarid qilingan implantat hisobiga amalga oshiriladigan koxlear implantatsiya operatsiyasini o‘tkazish bo‘yicha navbatni kutishni istamagan 5 yoshga to‘lmagan bemor bolalarning ota-onalari, ularning o‘rnini bosuvchi shaxslar yoki homiylar o‘z hisoblaridan ham ushbu qurilmalarini xarid qilishlari mumkin.
Bunday holatlarda 5 yoshga to‘lgan va undan oshgan bemor bolalarda operatsiyalari ularning ota-onalari, ota-ona o‘rnini bosuvchi shaxslar yoki homiylari tomonidan implantant sotib olingan taqdirdagina o‘tkaziladi.
